|
ሓጺር ዛንታ ብኣንቶን ጨኾፍ እተጻሕፈ
ብቡርሃን ዓሊ ተቶርጎም
ሃብታም ጎይታ በዓል ንብረት ነታ ደቁ ክትኣልን ከተስተምህረን ዝቆጸራ ሰበይቲ ናብቲ ኣብ ማእከል ንብረቱ ዝርከብ ቤት ጽሕፈቱ ደሞዝ ከረክባ ጸወዓ። “ንበሪ ዩልያ” እናበለ ድማ ቀጸለ “ገንዘብ ከም ዘድልየኪ ይርደኣኒ ኢዩ ግን ሕፍረት ስለ ዝስዐረኪ ደፊርኪ ከምዘይትጠልቢ ድማ ይርደኣኒ ኣዩ፡ ስላሳ ቅርሺ ኣብ ወርሒ ክኽፍለኪ ተሰማሚኦኣዐና ኔርና”። “ኣርበዓ ጎይታይ” ኣናበለት ዩልያ ከተቋርጾ ፈተነት ግን ጎይታና ድምብርጽ ከይበለ ቀጸለ “ጎይታይ ኣርበዓ” ጎይታ ግና ከምዘይሰመዔ ዘረብኡ ቀጸለ “ኣይፋሉን ሰላሳ ቅርሺ’ዩ ዝብል ዘሎ መዝገበይ፡ ክልተ ወርሒ ድማ ሰሪሕኪ”።
ደጊማ ዩልያ ክትኣርሞ ፈተነት፡ “ወርሕን ሓሙሽተ ማዓልትን” “ልክዕ ክልተ ወርሒ ከም መዝገበይ ዝብሎ፡ ስለ’ዚ ሱሳ ቅርሺ ኢዩ ዝግባኣኪ፡ ካባኡ ናይ ትሽዓተ ስንበት ይቁረጸኪ ከምኡ ድማ ናይ ስልስት መዓልቲ በዓላት’ውን ኣብ ልዐሊኡ ይቁረጸኪ”። ገጽ ዩልያ ኣዝዩ ቀይሑ ደም ኣንተመሰለ’ኮ ኣፋ ከፊታ ሓንቲ ቃል ከተሙልቅ ኣይተረኽበትን፤ ጎይታኣ ድማ ሃለዋት ‘ዛምስኪን ሰብ ከይ ከበዶ ሒሳቡ ቀጸለ። “አምበኣርከስ ድምር ዓሰርተኽልተ ቅርሺ ይኸውን፡ ግን ኮልያ ወደይ ነርባዐተ መዓቲ ሓሚሙ ነይሩ፡ ንስኺ ድማ ንሰለስተ መዓልቲ ስንኺ ተቕንዝኺ ካብ ቆልዑ ምምሃር ኣዕርፊ ኢልናኪ ስለዚ ዓሰርተችዓተ ይቁረጸኪ፡ ሰለዚ ኣርበዓን ሓደን ቅርሺ ይተርፈኪ”። ኣዒንታ በርበረ ኣናመሰላ ንብዓት ቆጺረን ግን ብጭቕ ኢላ ኣፋ ክትከፍት ኣይከኣለትን፡ ግና ክቡር ጎይታ ምቁርራጽ ደሞዛ ቀጸለ። “ቅድሚ ዝሓለፈ በዓል ልደት ድማ ሓደ ናይ ቡን ፍንጃል ሴርኪ ኔርኪ፡ ከምኡ ድማ ብዘይምጥንቃቕኪ ሰንኪ ኮልያ ወደይ ክዳኑ ተቐዲዱ፡ ኣታ ሸቃሊት ድማ ብዘይምግዳስኪ ጫማ ናይ ፋሪያ ጛለይ ሰሪቓቶ፡ ዝሓለፈ ወርሒ ድማ ዓሰርተ ቅርሺ ሂበኪ ነይረ”፤ ከም’ዝን ወዲ ከም’ዝን እናበለ ጎይታ በዓል ንብረት ምቁርራጽ ደሞዝ’ዛ ድኻ ሰብ ቀጸለ። ዩልያ ሱቅ ኢላ በብቅሩብ እና ተማረኸት ከደት፡ ኣብ መወደእትኡ እውን እና ተሓገገዞቶ ከደት፡ “በዓልቲ ቤትኩም ውን ዝሓለፈ እዋን ስለተ ቅርሺ ሂበናኒ ነይረን፡ ካልእ ኣይወሰድኩን”። .
“ሓቅኺ ድኺ?” እናተገረሞ ሓተተ፡ ቀጺሉ ድማ “እዚኣስ ኣይመዝገብክዋን ጸኒሐ፡ እምበኣርከስ ሰለስተ ቅርሺ ካብ ዓሰርተርባዐተ ክቆርጽ እየ”። “እንኪ ገንዘብኪ ሰለስተ…ሰለስተ…ሰለስት…ሓደ…ሓደ” ኢዱ በተን ዓሰርተ ቅርሺ ወጥ ብዘበለላ ጎይታኣ ድማ ዘንቀጣቕጣ ኣእዳዋ ዘርጊሓ ተቐቢላ ድማ ዓስርተ ቅርሺ አብ ጁበኣ መለሰተን ብኣኽብሮትን ብጣዕሚ ዝተሓተ ድምጽን ገይራ “የቐንየለይ ጎይታይ” በለቶ”፡ እቲ ነገራት ኣብዚ ምስ በጽሐ ጎይታ በዓል ንብረት ተቖጢዑን ኣዝዩ ተናዲዱን ኣትሪሩ ድማ ከምዚ ዝስዕብ ኣጸቢቑ ዓው ኢሉ ኣስመዓ፡ “ስምዒ‘ስከ! ዘሚተኪ፡ ስሪቐኪ ከመይ ገርኪ ተመሊስኪ ተምስግንኒ?” “ኣብ ገሊኡ ቦታታት ጨሪሶም ገለ ኣይሃቡንን” ኢላ ዩልያ ብግርህነት መለሰትሉ፡ ግልብጥ ኢሉ ድማ እዚ ዝስዕብ በላ
“የጻውተኪ እየ ኔረ ግን ሓደ ጨካን ዝኾነ ኣስተምህሮ ሂበኪ፡ እንኪ ገንዘብኪ ብምሉኡ እነሆ፡ ሰማንያ ቅርሺ ብምልኡ፡ ግን እዚ ኩሉ ስንፍናን ዘይክእለትን ኣእምሮ ይቕበሎ ዶ፡ ወላ’ኳ ሓንቲ ተቓውሞ ኣይትርእይን፡ ዓው ኢልኪ ሓቀይ ኢልኪ ኣይተእውይን? ስጋብ ክንድዚ ዝኣክል ዕሽነት ኣለኪ?”
ዩልያ ክምስ በለት ትርኢታ ግን “ምናልባት” ዝብል ዝነበረ እዩ ይመስል ነይሩ፡ ገንዘባ ኣብ ጁባኣ ሒዛ እናወጸት ጎይታኣ ንነብሱ ከዛርባ ጀመረ “ኣብዛ ዓለም ‘ዚኣ ለካ ሓያልን ዓማጽን ክትከውን ቀሊል እዩ” እናበለ ሓሳቡ ዘሚሙ።
|
