ኣደይ ገነት ነብሰን ክኢለን'ሲ ክሳብ ንኣድገኣልቦ ደቂ ዓዲ ማይ ክሸጣ ከኣላ። ኣብቲ እቲ ኣድጊ ዝቈጠበለን ጊዜ ከኣ፡ ክልተ ሰዓት ንመዓልቲ፡  መብልዕ ቍርሲ ክሰፍያ ጀመራ። ዝቘርስ 'ተረረኺቡ ድማ ንዓኣ ሸይጠን ክቈርሳ እየን።.....እሞ ገመል ተጠንቀቕ ኣድጊ ደቂሱ ኣይሓደረን።  .......ድቁሳት ኣእምሮ'ውን ተበራበሩ እቲ እንስሳ ምዃን ኣድጊ ምዃን'ውን ኣሎዎ። እሞ ኣድጊ ኤርትራ!

ብመሰረቱ ኣብ ልዕሊ ሓንቲ ሃገር ወይ መንግስቲ ብሕቡራት ሃገራት  ቁጠባዊ ማዕቀብ ክወርድ እንከሎ “እወ፡ ተጋግየ ይግባኣኒ ኢዩ።” እትብል ሃገር ወይ መንግስቲ የላን። እቲ ግብረ መልሲ” ኣድልዎ ተጌሩለይ፤ዘይሕጋዊ ኢዩ፤ ሕቡራት ሃገራት ብኣሜሪካ ዝዕብለል ኢዩ፤ ወ.ዘ.ተ.” ዝብል ኢዩ። ከምቲ ሓደ ሕማቕ ተምሃራይ ብሕምቀቱ ከይእመን ንመምህሩ ዘሳብብ ኢሳያስ እውን ኩሉ ግዜ ንሕቡራት ሃገራት፤ንኣፈሪቃ ሕብረት፤ ንኢጋድ ኮታ ንኹለን ናይ ዓለም ትካላት ምስ ኣማረረ ኢዩ። ኣብ ሂወቱ ጌግኡ ተኣሚኑ ኣይፈልጥን።

ንሕና ከም ኤርትራውያን፣ ከም የሕዋቶም፣ ከም ፈተውቲ ናጽነት መጠን፡ “ዘረባ ሓደ ሰሚዕካ ኣይትፍረድ” እዩ’ሞ ዓገብ ኣይበልናን። ብኣንጻሩ እኳ ደኣ መሓውራት ህግደፍ ይዝርግሖኦ ንዝነበራ ሓበሬታ ተመርኲስና “ጽቡቕ ገበርዎም፡ ጸጊቦም እንድዮም፡ ብደም ስዉኣት ዝመጸት ሃገር ዝጻወቱ፡ እዞም ደቅና እዚ ድዩ ኢዶም” ኢልና፡ ስቓዮምን፡ ደሞምን፡ ብኽያት ስድራቤቶምን ዕሽሽ ኢልናዮ። ደሞም ከም ደመ ከልብ ኮይኑ ድማ ተሪፉ። ብየሆዋ መሰኻኽር ዝጀመረ ሃይማኖታዊ ኣደራዕ፡ እንሆ ሎሚ ናይ ጰንጠን ካልኦትን ጊደ ኮይኑ። ብበዓል ቢትወደድ ዝጀመረ ሕልፈት ዘይብሉ ማእሰርቲ እነሆ ሎሚ ዝትንከፉ ዘይመስሉና ብዝነበሩ፡ በዓል ድሩዕን ብጾቱን ቀጺሉ።